Energisikkerheit og forsvarsevne (del2) - frå trussel til politiske løysningar

Om arrangementet

Energisikkerheit og forsvarsevne: Frå trussel til politiske løysingar

Vestland har ei nøkkelrolle i norsk energi- og tryggingspolitikk.

Her finn vi kraftproduksjon, gassanlegg, raffineri, hamner, industri og viktige forsvarsinstallasjonar – langs ei lang og utsett kystlinje.

Det gjer regionen viktig for Norge, men også sårbar.

I denne samtalen spør vi kva politikken må svare når energisikkerheit og forsvarsevne blir tettare kopla saman. Kva må til for å styrkje beredskapen rundt energi, drivstoff og kritisk infrastruktur? Korleis sikrar vi raskare utbygging av straumnettet? Og korleis får vi meir tempo i politiske prosessar som i dag tek for lang tid?

Behovet for ei tredje kraftlinje inn til Bergensområdet handlar også om beredskap. Når stadig meir av samfunnet blir avhengig av straum, blir kraftnettet ein del av den kritiske infrastrukturen vi må kunne stole på – også i krise. Fleire sterke innmatingspunkt kan gjere regionen mindre sårbar for feil, ekstremvêr, sabotasje eller andre hendingar som kan råke kraftforsyninga.

Arrangementet kan med fordel sjåast i samanheng med Vestland fylkeskommune sitt arrangement Energisikkerheit og forsvarsevne - trusselbilete og utfordringar som finn også finn stad på MS Sandnes kl. 1500-1545, der trusselbiletet og sårbarheitene blir løfta fram. Her tek Bergen Næringsråd samtalen vidare – frå risiko og utfordringar til politiske løysingar.

Velkomen til ein samtale om energisikkerheit, forsvarsevne og kva politikarane bør gjere no.

Lenker

• www.bergen-chamber.no/

Medvirkende

Kontakt