Pengar i Palestina: Er bitcoin mogleg som alternativ valuta i Gaza og på Vestbreidda?

Om arrangementet

Korleis er pengestellet i Palestina? Og kan bitcoin spela ei monetær rolle i Gaza og på Vestbreidda framover?

Osloprosessen førte blant anna med seg den såkalte Parisprotokollen, som gjer klart at israelske shekel er tvunge betalingsmiddel i dei palestinske områda. I praksis er både amerikanske dollar og jordanske dinarar også i bruk - men korleis? Og er bitcoin rett og slett lov i Palestina - eller meir presist: verken forbode eller godkjent?

Bitcoinpolitisk institutt Noreg inviterer til ein sakleg og roleg samtale om bitcoin som mogleg monetært alternativ. Før 1967 var det egyptiske pund som galdt i Gaza medan jordanske dinarar naturleg nok rådde grunnen på Vestbreidda. Så: fyrst israelske lire, så israelske shekel (fyrst gamle, så nye); pengar som i form av setel og mynt i liten grad speglar eller reflekterer arabiske figurar og hendingar reint symbolsk.

På papiret er bitcoin derimot nøytrale pengar: berre nummer, siffer, tal - rett nok arabiske ... Og bitcoin er veleigna for grensekryssande overføringar "bortanfor" bankar og meir eller mindre korrupte institusjonar.
Spørsmålet med stor S er uansett om bitcoin representerer eit monetært "verdiforslag" i denne delen av Midt-Austen, som også er totalt avhengig av bistand i form av store pengeoverføringar frå utlandet.

Dette skal folkeretteksperten Cecilie Hellestveit og leiaren for Palestinakomiteen i Noreg, Rami Samandar, tenkja høgt om i samtale med Morten Søberg, generalsekretær i Bitcoinpolitisk institutt Noreg.

Medvirkende

Kontakt