Skeivheiter i energipolitikken – og konsekvensane for lokal aksept

Om arrangementet

Det er lett å vedta meir nett og meir kraft nasjonalt – langt vanskelegare å få lokal aksept for å byggje det. Mange kommunar og lokalsamfunn opplever at dei sit att med naturinngrep, konfliktar og høgare kostnader, medan gevinstane i større grad kjem andre stader.

Lokal aksept kjem ikkje av seg sjølv. Den krev at kostnader, inngrep og gevinstar blir fordelte på ein måte folk opplever som rimeleg.

Når folk og bedrifter opplever store skilnader i nettleige, kraftpris og tilgang på energi, svekkar det tilliten til energipolitikken – og det gjer det vanskelegare å få gjennom nye prosjekt. Samstundes er det brei semje om at nettet må byggjast raskare og at me treng meir både nett og produksjon.

I dette arrangementet skal me debattera kven som faktisk skal betale for det grøne skiftet, korleis kostnadene bør fordelast, og kva som må endrast for at kommunane igjen skal seie ja til meir nett, vind og vatn.

Lenker

• www.distriktsenergi.no/
• www.sognekraft.no/

Medvirkende

Kontakt